風吹聲 雨水滴
誰人知曉 阮心中的苦微
瀟瀟的風 微微的雨
聽入阮的心耳中 弄霧阮的目鏡仁
阮的心情 就親像是台北的冬天
是那麼樣的冷面 強強要失去了熱情
在舊年若到拜六禮拜的時
都會跟媽媽逗陣去慈濟作義工
幫贊舊年苦難受災的伊
阮在厝內 看到電視內底
水 是淹到這高 土 是沖到這深
足多阿叔阿姨 跟伊的孩兒
失去了伊的厝 伊的田園
住在於台北的阮
是這款的幸運兒
飯菜是這麼樣的滾燒
衫是這麼樣的清去擱溫暖
心中真正感謝天公
跟阮迪化街城隍阿公的保庇
有這款心情的阮
每天轉回去到厝內 都有在想
感可以擱再拿出什麼東西
來去分享給在於山頂 跟阮平年歲的小學生
這個冬天對伊來講 是那麼樣的冷面
希望按台北子弟來的熱情
就親像一陣陣溫暖的風 滋養的雨
來幫贊伊 重新站起
風吹聲 雨水滴
誰人了解 阮心中的滋味
想到舊年迪化街的市景
是這麼樣的稀微
爸爸媽媽經營茶行的辛苦
都總寫在伊的面
作伊孩兒的阮
看在眼中 想在於心肝底
足想要趕緊大漢
可以來幫忙媽媽看顧店 逗焙茶
每一日放學轉來到店內
在於桌頂寫功課的時
經過店面打招呼的厝邊
入內買茶的人客
看到好茶 愛飲又擱買沒什麼的落去
伊嗅茶香的笑面
總是帶著淡薄啊的嘸確定
我在想
敢是當季的茶米嘸夠好飲
結果否是
是伊心內在於打算
到底可以買到幾多
伊的生活才不壞付錢
買茶的人客想來又想去
好茶拿一點點那買給自己在於房間內底飲
哪有人客要來
只好泡擱粗俗的茶囉
算來又算去 感覺面紅又歹勢
否是想要凍酸又待慢
實在是壞年冬 時機真正嘸好過
風吹聲 雨水滴
帶來今年要到位的春天
春風撲面 春雨到時
今年的過年就是立春的時
過年的暗時 阮歸家夥啊開車回去到阿公阿媽台東的厝裡
峒崆長又長 山路彎擱峭
坐到阮頭暈目暗 吐到那邊去
回到台東已經是四更的時
嘸管按怎
第一層代誌就是先去補眠
要給阿公阿媽的等路就要明阿日才會打開
過年豐盛的菜色
添到整間灶腳滿滿是
台北拿回去的料理
要等到初二才會捧到桌頂去
專工帶回去的料理實在是好滋味
大家一碗擱一碗盛落去
吃到嘴邊油滴滴 心情真歡喜
風吹聲 雨水滴
幸福滿滿就是過年的時
開心滿面笑嘻嘻
紅包賺到滿腹是
PS答應朋友幫他的小孩寫台語演講的講稿，弄錯了題目，陰錯陽差寫下這首台語新詩，第一次寫台語嫩的很，獻醜了。
沒有留言:
張貼留言